Hafðu samband við okkur hér

 

 

Hamraborg
Kopavogur, Capital Region
Iceland

004915772712770

The Icelandic Chamber Music Festival in Kópavogur

ge02.jpg

XX Duo

Duo XX, Auður Edda Erlendsdóttir klarínetta og Gabriela Jílková cimbalom leika á upphafstónleikum TUF 2017 sem sigurvegarar tónleikakeppni TUF.

Quasi Improvvisato:

Béla Bartók: Valin verk úr "For Children / A Gyermekeknek"
György Kurtág: Tre Pezzi op. 38 (1996)
András Gábor Virágh: Quasi Improvvisato (2011)
Ingibjörg Ýr Skarphéðinsdóttir: Með Eld (2017)
György Kurtág: Tre Altri Pezzi op. 38a (1996)
Béla Bartók: Valin verk úr "For Children / A Gyermekeknek"

Um flytjendur: Auður Edda Erlendsdóttir er fædd árið 1994. Hún hóf nám í klarínettuleik sjö ára gömul við Tónlistarskóla Seltjarnarness þar sem kennarar hennar voru Lárus Halldór Grímsson og Haukur Gröndal. Þar spilaði hún bæði djass og þjóðlagatónlist. Árið 2011 færði Auður Edda sig yfir í Tónlistarskólann í Reykjavík til að leggja stund á klassíska tónlist hjá Freyju Gunnlaugsdóttur. Hún lauk framhaldsprófi þaðan árið 2013 og útskrifaðist 2014 með burtfararpróf. Auður Edda stundar nú nám við Liszt Ferenc-tónlistarakademíuna í Búdapest hjá Szatmári Zsolt og Pálfi Csaba. Hún hefur sótt meistaranámskeið hjá Wenzel Fuchs, Tibor Rehman, Stephan Vermeersch, Paolo Ravaglia og fleirum. Auður Edda kom fram með Sinfóníuhljómsveit Íslands í janúar 2017 á tónleikum ungra einleikara, þar sem hún lék klarínettukonsert Nielsens. Í febrúar kom hún fram á þremur tónleikum í Ísrael á vegum verkefnisins Reconnections, þar sem kammertónlist var í aðalhlutverki.

Gabriela Jílková: 

Tónlistarferill Gabríelu Jílkovu spannar 15 ár en hún hefur margoft komið fram í heimalandi sínu Tékklandi, sem og á alþjóðlegum vettvangi. Hún hefur birst í sjónvarpi og útvarpi, og tekið þátt í gerð heimildarmynda um hljóðfærið sitt, cimbalom, sögu þess og hefðir.

Fyrsta boð Gabríelu um að halda einleikstónleika var í tengslum við Alþjóðlegu Janacek Tónlistarhátíðina árið 2006, og árið 2007 tók hún þátt í Alþjóðlegu Cimbalom Ráðstefnunni í Oberammergau í Þýskalandi. Hún kom fram á tónlistarhátíðinni Maí Janáčeks og Music‘s Present (Hudební současnost) árið 2014 og ári seinna lék hún einleik í Cimbalom-konsert Daniels Skála með Janáček Filharmóníusveitinni.

Hún stundar nú nám við Liszt Ferenc Tónlistarakademíuna í Búdapest hjá Szalai András.