Hafðu samband við okkur hér

 

 

Hamraborg
Kopavogur, Capital Region
Iceland

004915772712770

The Icelandic Chamber Music Festival in Kópavogur

UM TUF

Tónlistarhátíð unga fólksins

Markmið Tónlistarhátíðar unga fólksins (TUF) er að standa fyrir metnaðarfullum námskeiðum í tónlist og skapa vettvang fyrir ungt tónlistarfólk til að tjá list sína á tónleikum.

Fyrsta tónlistarhátíðin var haldin í ágúst 2008 á Menningarreit Kópavogs, en Kópavogur hefur verið aðalstyrktaraðili hátíðarinnar frá byrjun. Síðan 2008 hefur mikill fjöldi íslenskra sem erlendra tónlistarmanna komið fram á hátíðinni og aragrúi ungs tónlistarfólks tekið þátt, m.a. frá Suður Afríku, Kóreu, Japan, Taiwan, Evrópulöndum og Bandaríkjunum.

Frá upphafi hefur verið leitast við að sníða námskeiðin og dagskrána sem best að þörfum þátttakenda. Áhersla er lögð á amspil í hljómsveit eða kammerhópi. Allir þátttakendur takast á við samleiksverkefni sem felst í því að æfa upp verk á stuttum tíma og flytja það á tónleikum í Salnum í lok hátíðarinnar. Slík samvinna er bæði krefjandi og skemmtileg og getur haft gríðarlega hvetjandi áhrif á tónlistarnámið.

Til að gefa ungu tónlistarfólki víðari sýn á tónlistina er boðið upp á fjölbreytta fyrirlestra þar sem mismunandi tónlistartengd málefni eru kynnt. Að auki hefur undanfarin ár verið boðið upp á tíma í jóga, auk vinnustofa í samtímatónlist og spuna. Þessar vinnustofur hafa opnað augu og eyru þátttakenda fyrir öðrum hliðum tónlistarnámsins sem margir hafa ekki komist í kynni við áður.

Samhliða fjölbreyttu námskeiðahaldi stendur TUF fyrir tónleikaröð og tónleikakeppni þar sem áhersla er á að veita ungum tónlistarmönnum tækifæri til að koma fram á opinberum vettvangi.

 

STAÐSETNING

Hátíðin fer fram í Tónlistarskóla Kópavogs, Salnum Kópavogi og Molanum ungmennahúsi.

STyrktar- og samstarfsaðilar hátíðarinnar