Hafðu samband við okkur hér

 

 

Hamraborg
Kopavogur, Capital Region
Iceland

004915772712770

The Icelandic Chamber Music Festival in Kópavogur

Sif efnisskrá luto - 2.jpg

Sif Tulinius

SIF KENNIR NÁMSKEIÐ Á FIÐLU

  • Þrjár kennslustundir (3×45 mín) með kennara og lokatónleikar í Salnum. Kennsla fer að mestu fram í Tónlistarskóla Kópavogs. Kennslustundir eru opnar til áheyrnar fyrir nemendur hátíðarinnar.
  • Þrjár kennslustundir (3×45 mín) með kammermúsík-kennara og lokatónleikar í Salnum.
  • Meðleikari (ef þarf).
  • Þátttaka í vinnustofum í samtímatónlist (hóptímar).
  • Þátttaka í jóga (hóptímar).
  • Hátíðarpassi. Veitir aðgang að öllum viðburðum hátíðarinnar (tónleikumfyrirlestrum, fótboltamóti, grillveislu o.fl.).

Verð: 39.000 kr.
Staðfestingargjald með umsókn er 10.000 kr. sem dregst frá námskeiðsgjaldi.

UM SIF MARGRÉTI TULINIUS

Sif Margrét Tulinius fiðluleikari lauk einleikaraprófi frá Tónlistarskólanum í Reykjavík vorið 1991 undir leiðsögn Guðnýjar Guðmundsdóttur. Hún hlaut Fulbright styrk til frekara náms í Bandaríkjunum og lauk B.A. gráðu með láði frá Oberlin háskóla í Ohio þar sem kennarar hennar voru Almita og Roland Vamos. Hún lauk síðar Masters gráðu frá Stony Brook háskólanum í New York þar sem kennarar hennar voru Joyce Robbins og Joel Smirnoff en hann var þá 1. fiðluleikari Juilliard strengjakvartettsins í New York.

Að námi loknu lék Sif ásamt ýmsum tónlistarhópum á fjölmörgum tónlistarhátíðum víðs vegar um heiminn og má þar m.a. nefna New York Symphonic Ensemble í NY og Japan, Ensemble Modern í Frankfurt, Munchener Kammerorchester og Oriol ensemble í Berlín. Haustið 2000 keppti Sif um stöðu 2. konsertmeistara við Sinfóníuhljómsveit Íslands og var í kjölfarið ráðin til starfa í nóvember 2000. Hún hefur verið áberandi í íslensku tónlistarlífi og komið reglulega fram sem einleikari með Sinfóníuhljómsveit Íslands, m.a. í flutningi á fiðlukonsert Sofiu Gubaidulina, “Offertorium”, fiðlukonsert Felix Mendelssohns í e-moll, “Fylgjum” Þorkels Sigurbjörnssonar og í október síðastliðnum flutti hún Partitu eftir W.Lutoslawski í tilefni af því að 100 ár voru liðin frá fæðingu tónskáldsins. Sem einleikari hefur Sif m.a. unnið með hljómsveitarstjórunum Arvo Volmer, Peitari Inkinen, Rumon Gamba og Michel Dworzynski. Hún hefur leikið inná fjölda geisladiska og kom einleiksdiskur hennar “Poeme” út árið 2002.

Sif hefur verið reglulegur gestur á öllum helstu kammertónlistarhátíðum landsins og má þar m.a. nefna Tónlistarhátíðina við Kirkjubæjarklaustur, í Reykholti og í Skálholti

Hún er meðlimur tónlistarhópsins Caput og hefur bæði sjálfstætt og ásamt þeim tekið virkan þátt í flutningi nútímatónlistar.

Sif hefur kennt við Listaháskóla Íslands, Tónlistarskólann í Reykjavík og Tónlistarskólann í Kópavogi, hún hefur einnig starfað sem leiðbeinandi víða og má þar m.a. nefna Apple Hill Tónlistarhátíðina í Bandaríkjunum og tónlistarhátíðina Við Djúpið.