Hafðu samband við okkur hér

 

 

Hamraborg
Kopavogur, Capital Region
Iceland

004915772712770

The Icelandic Chamber Music Festival in Kópavogur

Hakon Bjarnason profile photo.jpg

Hákon Bjarnason

UM Hákon

Hákon Bjarnason fæddist í Reykjavík og hóf píanónám við 9 ára aldur. Helstu kennarar hans voru Jónas Sen, í Nýja Tónlistarskólanum, og Halldór Haraldsson við Tónlistarskólann í Reykjavík og Listaháskóla Íslands. Hákon útskrifaðist með Bachelor of Music gráðu frá Listaháskólanum vorið 2008 og hlaut hæstu einkunn fyrir útskriftartónleika sína. Um haustið 2008 flutti Hákon til Berlínar og sótti einkatíma til Jürgen Schröders fyrsta árið og síðan Klaus Bässlers. Á haustönn 2010 hóf Hákon nám við Konservatoríið í Amsterdam hjá Marcel Baudet, sem hann lauk sumarið 2014.

 

Í október 2009 vann Hákon píanókeppni Íslandsdeildar EPTA í hæsta aldursflokki. Í kjölfarið tók Ríkisútvarpið upp þrjú verk í flutningi Hákonar og útvarpaði á nýársdag 2010. Tvo yngri flokka keppninnar vann hann árin 2000 og 2003. Hákon var einn sigurvegara í Einleikarakeppni Listaháskóla Íslands og Sinfóníuhljómsveitar Íslands haustið 2007 og lék fyrsta píanókonsert Prokofjeffs með hljómsveitinni í janúar 2008. Þann 13. október 2013 var Hákon einleikari með Sinfóníuhljómsveit Áhugamanna í 3ja píanókonserti Beethovens.