Hafðu samband við okkur hér

 

 

Hamraborg
Kopavogur, Capital Region
Iceland

004915772712770

The Icelandic Chamber Music Festival in Kópavogur

011_forsida_2.jpg

Blásarasveit

BLÁSARASVEIT

Blásarasveitin er fyrir nemendur sem leika á tréblásturshljóðfæri (flautur, óbó, klarinett og fagott) og málmblásturshljóðfæri (trompet, horn, básúnu og túbu) sem lokið hafa grunnprófi eða eru í síðari hluta grunnnáms. Blásarasveitin æfir á morgnana og gefst þátttakendum tækifæri á að taka þátt í vinnustofum, jóga og hlusta á tíma (masterklassa) hjá öðrum kennurum hátíðarinnar eftir hádegið, auk þess sem frábær félagsaðstaða er fyrir krakkana í Molanum - þar sem er fótboltaspil, billjardborð, sófar og góður staður til að mynda ný vinatengsl.

INNIFALIÐ

  • Þátttaka í blásarasveit. Kennsla fer að mestu fram í Tónlistarskóla Kópavogs.
  • Þáttaka í hádegis- og lokatónleikum í Salnum.
  • Áheyrnaraðgangur að öllum kennslustundum á hátíðinni.
  • Þátttaka í vinnustofum (hóptímar).
  • Þátttaka í jóga (hóptímar).
  • Fyrirlestrar.
  • Æfingaaðstaða í Tónlistarskóla Kópavogs.
  • Léttur hádegisverður.
  • Hátíðarpassi. Veitir aðgang að öllum viðburðum hátíðarinnar (opinberum tónleikum, fótboltamóti, grillveislu o.fl.).

Verð 25.000 kr.
Staðfestingargjald með umsókn er 10.000 kr. sem dregst frá námskeiðsgjaldi. Veittur er 10% systkinaafsláttur.

Umsóknarfrestur til og með 7. júní.

UM ÁRMANN HELGASON

Ármann Helgason, klarinettleikari, hefur átt fjölbreyttan feril sem einleikari, kammermúsíkant og hljómsveitarspilari með Sinfóníuhljómsveit Íslands, Íslensku Óperunni, Sinfóníuhljómsveit Norðurlands, kammerhópnum Camerarctica og ýmsum öðrum hópum, m.a. Caput, Hnúkaþey og færeyska kammerhópnum Aldubáran.

Ármann stundaði nám í klarinettuleik við Tónlistarskólann í Reykjavík og í London og París. Ármann var valinn bæjarlistamaður Garðabæjar árið 1997 og hlaut TónVakaverðlaun Ríkisútvarpsins árið 1995 og kom þá fram sem einleikari með Sinfóníuhljómsveit Íslands auk þess sem hann hefur hlotið starfslaun listamanna til þess að sinna ýmsum tónlistarverkefnum. Ármann sinnir einnig uppeldislegum skyldum og er deildarstjóri blásaradeildar við Tónlistarskóla Hafnarfjarðar þar sem hann stýrir einnig kammertónlist og nýstofnaðri sinfóníuhljómsveit skólans auk þess að kenna við Listaháskóla Íslands.