Hafðu samband við okkur hér

 

 

Hamraborg
Kopavogur, Capital Region
Iceland

004915772712770

The Icelandic Chamber Music Festival in Kópavogur

Bjarki_8611.jpg

Bjarki Sveinbjörnsson

BJARKI FLYTUR FYRIRLESTURINN:

"Hvernig á að geyma hljóð?"

Þar kynnir hann fyrir okkur hvernig hljóð hefur verið varðveitt í gegnum söguna, allt frá fyrstu tilaunum Edisons til okkar daga.

Þar verður fjallað um pappír, stálþynnur, vaxhólka, stálþráð, plötur, segulbönd, kassettur og stafræn tæki af ýmsum toga í máli, myndum og hljóðdæmum.

 

UM BJARKA

Bjarki Sveinbjörnsson (f. 1953) útskrifaðist sem tónmenntakennari frá Tónlistarskólanum í Reykjavík vorið 1976. Hann stundaði framhaldsnám í Bandaríkjunum (1979-1981) og við Aalborg Univeristet í Danmörku 1989-1998) þar sem hann lauk doktorsnámi í tónvisindum 1998. Helsta fræðasvið hans er saga íslenskrar tónlistar en doktorsritgerð hans ber heitið „Tónlist á Íslandi á 20. öld með sérstakri áherslu á upphaf og þróun elektrónískrara tónlistar á árunum 1960-90“Bjarki hefur mikla reynslu sem tónlistarkennari á Íslandi og í Færeyjum. Í áranna rás hefur hann kennt við grunnskóla, framhaldsskóla, tónlistarskóla auk Listaháskóla Íslands þar sem hann kennir sögu íslenskrar tónlistar. Auk þess hefur hann haldið fjölda fyrirlestra á Íslandi, Færeyjum, Noregi, Danmörku, Hollandi, Kanada og í Bandaríkjunum. Bjarki hefur unnið sem dagskrárgerðarmaður hjá ríkisútvarpinu, Rás 1 auk þess að vera tónlistarráðunautur ríkisútvarpsins á árunum 2002-2006. Vann hann sem dagskrárgerðarmaður fjölda þátta um sögu íslenskrar tónlistar.Bjarki, og félagi hans, Dr. Jón Hrólfur Sigurjónsson hafa frá árinu 1997 unnið að uppbyggingu á Ísmús gagnagrunninum um íslenska tónlist og menningu (musik.is/ismus; sjá einnig musik.is). Markmið þessa verkefnis er að veita aðgang að sögu íslenskrar tónlistar á Netinu. Íslensk tónlistarhandrit (frá 1100-1800), elstu hljóðritanir gerðar á Íslandi og þjóðfræðiefni stofnunar Árna Magnússonar eru dæmi um verkefni sem þegar eru aðgengileg. Vinna þeir nú að gagnagrunni um öll orgelog organista í íslenskum kirkjum frá upphafi. Þá vinna þeir að gagnagrunni um íslensk þjóðlög og um Tón- og listmenningu íslendinga er fluttur vestur um haf í lok 19. aldar og upphafi þeirrar 20.

Bjarki var ráðinn í janúar 2007 til að koma á fót Tónlistarsafni Íslands í Kópavogi.