Hafðu samband við okkur hér

 

 

Hamraborg
Kopavogur, Capital Region
Iceland

004915772712770

The Icelandic Chamber Music Festival in Kópavogur

palli_fidlunamskeid_2018.png

2018 - Páll Palomares

Innifalið

  • Þrjár kennslustundir (3×45 mín.) með kennara og  lokatónleikar í Salnum. Kennsla fer að mestu fram í Tónlistarskóla Kópavogs.
  • Þrjár kennslustundir (3×45 mín) með kammermúsíkkennara, kammermasterklass og lokatónleikar í Salnum.
  • Áheyrnaraðgangur að öllum kennslustundum á hátíðinni.
  • Þátttaka í hádegistónleikum (ef nemandi óskar).
  • Meðleikur.
  • Þátttaka í vinnustofum (hóptímar).
  • Þátttaka í jóga (hóptímar).
  • Fyrirlestrar.
  • Æfingaaðstaða í Tónlistarskóla Kópavogs.
  • Léttur hádegisverður.
  • Hátíðarpassi. Veitir aðgang að öllum viðburðum hátíðarinnar (opinberum tónleikum, fótboltamóti, grillveislu o.fl.).

Verð: 39.000 kr.
Staðfestingargjald með umsókn er 10.000 kr. sem dregst frá námskeiðsgjaldi. Veittur er 10% systkinaafsláttur.

Umsóknarfrestur til og með 7. júní.

Um pál palomares

Páll Palomares er einn af fremstu fiðluleikurum landsins. Hann hóf fiðlunám sex ára gamall undir handleiðslu foreldra sinna, Unnar Pálsdóttur og Joaquín Palomares. Hann gegnir nú stöðu leiðara 2. fiðlu í Sinfóníuhljómsveit Íslands. Áður gegndi hann sömu stöðu hjá Randers Kammerorkester í Danmörku.

Hann hefur leikið fjölda einleikskonserta með hljómsveitum á íslenskri og erlendri grundu og ber þar hæst að nefna Sibelius- og Tchaikovski fiðlukonserta með Sinfóníuhljómsveit Íslands, Brahms fiðlukonsert með Sinfóníuhljómsveit Árósa og Árstíðirnar eftir Vivaldi með Orchestra Femminile Italiana. Fyrr á þessu ári lék Páll fiðlukonsert Beethovens með Sinfóníuhljómsveit Torrevieja. Páll er jafnframt virkur í kammertónlist og hefur haldið tónleika víða í Evrópu; á Íslandi, Spáni, Þýskalandi, Englandi, Ítalíu, Frakklandi, Færeyjum, Danmörku og Hollandi.

Hann hefur hlotið margvísleg verðlaun á ferli sínum. Hann var sigurvegari íslensku keppninnar ,,Ungir einleikarar”  árið 2007, hlaut verðlaun í alþjóðlegu keppninni ,,Danish String Competition” árið 2014 auk fjölda annarra verðlauna í keppnum Konunglega Tónlistarháskólans í Kaupmannahöfn. Páll hefur sótt masterklassa hjá mörgum af virtustu fiðluleikurum heims. Meðal þeirru eru Guilles Apap, Pekka Kuusisto, Noah Bendix-Balgley og Nikolaj Znaider.

Hann lauk meistaragráðu við Konunglega Tónlistarháskólann í Kaupmannahöfn árið 2015 og stundar nú sólistanám við sama skóla undir handleiðslu fiðluleikarans Serguei Azizian. Hann lauk einnig bakkalárgráðu í hinum virta Hochschule für Musik ,,Hans Eisler” í Berlín árið 2013. Kennari hans var Prof. Ulf Wallin. Áður en Páll hóf námsferil sinn erlendis lauk hann námi við Tónlistarskóla Kópavogs og Listaháskóla Íslands þar sem hann naut leiðsagnar Margrétar Kristjánsdóttur og Auðar Hafsteinsdóttur.